АСТАНА. KAZINFORM — Қазақстандық теннисші, әлемнің 404-ракеткасы Денис Евсеев жекелей сында Исламабад (Пәкстан) челленджер турнирінің ширек финалына шықты.
Жарыстың 4-ракеткасы болып тіркелген қазақстандық теннисші екінші айналымда пәкстандық Музаммил Муртазаны ойсырата ұтты — 6:1, 6:0.
Небәрі 44 минутқа созылған бәсекеде Евсеев 2 эйспен бірге 10 брейк-пойнттың алтауын өз есебіне жазды.
Денис Евсеев ширек финалға шығу үшін әлемдік рейтингіде 584-орында тұрған швейцариялық Йохан Никлеспен таласады.
Сонымен қатар жұптық сында доданың 4-ракеткасы болып тіркелген Денис Евсеев чехиялық Доминик Паланмен бірге бүгін тағы бір кездесуін сәтті өткізді.
Қазақстандық-чехиялық жұп ширек финалда болгариялық Динко Динев — аустриялық Маттиас Уйвариді 6:4, 6:2 есебімен тізе бүктірді.
Осылайша, жартылай финалға шыққан Денис Евсеев — Доминик Паланның келесі қарсыластары кейін анықталады.
Еске сала кетейік, бұдан бұрын Денис Евсеевтің Пәкстандағы челленджер турнирінің ширек финалына шыққанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).