АСТАНА. КAZINFORM – Су тасқыны салдарынан «Валенсияның» 28 жастағы тәрбиеленушісі қаза тапты. Хосе Кастильехо «Дана» дауылы мен Валенсия провинциясындағы су тасқынының құрбаны болды, деп жазады Football24 сайты.
Соңғы мәліметтерге қарағанда, оқиғадан кемінде 158 адам қаза тапқан. Валенсияның кейбір аудандарында су тасқыны салдарынан электр қуаты мен байланыс үзіліп, көпірлер қирап қалды.
Валенсия ойыншысы 1996 жылы дүниеге келген. «Валенсия» академиясынан кейін Испанияның төменгі дивизионындағы клубтарда өнер көрсетті. Хосе мансабында «Аликанте», «Элденсе», «Патерна», «Бунол», «Рекамбос Колон», «Рода» және басқа да клубтарда ойнаған.
Еске сала кетейік, бұған дейін Испаниядағы су тасқынынан қаза тапқандар саны 158 адамға жеткенін хабарлаған болатынбыз.
Жарасқан Нұрыбаев
Нұрыбаев Жарасқан Бекназарұлы
1990 жылдың 12 қаңтарында Өзбекстан Республикасында туған.
"Низами" атындағы Ташкент Мемлекеттік Педагогика Университетінің түлегі.
Газет және телеарналарда тілші әрі тележүргізуші қызметін атқарған.
Бірнеше Халықаралық ақындар мүшәйрасының жүлдегері.
Қазіргі таңда ҚР Президентінің Телерадиокешенінде "Қазақпарат" ХАА шығарушы редакторы