Jibek joly телеарнасы Астана халықаралық форумынан тікелей эфирде хабар таратады
АСТАНА. KAZINFORM – Астана халықаралық форумы (AIF) 29-30 мамырда өтеді. Jibek joly телеарнасының тікелей эфирі сағат 10:30-да басталады.
Фото: Ақорда
Бүгін форумға Президент Қасым-Жомарт Тоқаев қатысады. Сондай-ақ Мемлекет басшысы ресми делегация жетекшілерімен, халықаралық ұйымдар мен компаниялар басшыларымен бірқатар кездесу өткізеді.
Фото: Ақорда
Әлем көшбасшылары мен алпауыт қауымдастық өкілдерінің басын қосқан жиында нендей тақырып талқыланбақ? Жиын Қазақстанның экономикалық әлеуетіне қандай өзгеріс әкелуі ықтимал? Kazinform аналитикалық шолушысы сарапшылар пікірін сабақтастыра жауап іздеді.
Айта кетейік, Астана халықаралық форумының пленарлық отырысы республикалық телеарналардан, сондай-ақ Facebook, YouTube, Telegram әлеуметтік желілеріндегі Ақорданың ресми парақшаларынан да тікелей эфирде көрсетіледі. Трансляция сағат 10.30-да басталады.
Әл-Фараби атындағы ҚазҰУ журналистика факультетінің түлегі. Еңбек жолын «Қазақ әдебиеті», «Сақшы» газеттерінен бастаған. «Дала мен Қала» республикалық қоғамдық-саяси апталығында тілші, жауапты хатшы болып істеді. «Қазақстан-Ақтау» телеарнасының тілшісі, «Қазақстан» Ұлттық арнасының Маңғыстау облысындағы меншікті тілшісі, Маңғыстау облысы әкімі баспасөз қызметінің бас маманы, «Қазақстан» РТРК» АҚ Маңғыстау облыстық филиалы директорының орынбасары – бас редакторы болды.
Ақпарат саласының үздігі.
«ҚР Президенті телерадиокешенінде» 2022 жылғы 1 сәуірден бастап істейді. Kazinform халықаралық ақпарат агенттігі басқарушы директорының орынбасары – қазақ редакциясының бас редакторы.