АСТАНА. KAZINFORM — Камчаткада 6 балдық жер сілкінісі тіркелді. Бұл туралы Ресей ғылым академиясының Бірыңғай геофизикалық қызметінің Камчатка филиалы хабарлады, деп жазды Report.
Жер сілкінісі Петропавл-Камчатскийден оңтүстікке қарай 359 шақырым жерде болды. Жерасты дүмпуі 65,6 шақырым тереңдікте тіркелген.
Айта кетейік, Ауғанстанда 6,3 магнитудалы жер сілкінісі салдарынан 20 адам қаза тапты. Елде жараланғандар саны 320-дан асқан.
Сондай-ақ Жапонияда 6,7 балдық жер сілкінісі тіркеліп, Иватэ префектурасының шығыс жағалауында цунами туралы ескерту жариялады.
Динара Маханова
Қорқыт ата атындағы Қызылорда мемлекеттік университетінің түлегі. Еңбек жолын 2011 жылдан бастаған. Әр жылдары аймақтық басылымдар мен «Kyzylorda-news.kz» ақпарат агенттігі және республикалық «Астана» телеарнасында жұмыс істеген.