Қаңтар оқиғасы кезінде ұрланған қару-жарақтар табылды
09:23, 03 Ақпан 2025
АСТАНА. KAZINFORM – 2025 жылдың басынан бастап Ұлттық қауіпсіздік комитеті полиция және прокуратура органдарымен бірлесіп қаруды іздестіру және заңсыз айналымнан алу бойынша бірқатар жедел-іздестіру іс-шараларын жүргізді.
Нәтижесінде 8 «Калашников» автоматы, 25 тапанша, 23 мылтық, 17 граната, әртүрлі калибрдегі 1521 оқ-дәрі табылды және тәркіленді.
ҰҚК баспасөз қызметі көрсетілген қару-жарақтардың 4 бірлігі Қаңтар оқиғалары кезінде ұрланғаны анықталғанын мәлімдеді.
Осы фактілер бойынша тергеу-жедел іс-шаралары жүргізіліп жатыр.
Қазақстан азаматтарына қандай қаруларды иеленуге рұқсат етілетінін жазған болатынбыз.