«Қазір ақпараттық кеңістікте өткен оқиғалардың бұрмаланып отырғанына куә болып отырмыз. Митингілердің бейбіт сипаты және құқық қорғау күштерінің заңсыз әрекеті туралы айтылады. Мұның бәрі билік қабылдаған шешімдердің беделін түсіру, ең бастысы – жаппай тәртіпсіздіктердің ұйымдастырушылары мен қатысушылары жауапкершіліктен бой тасалауы үшін жасалады. Қазақстандықтар мұның қоғамдық сананы айла-шарғы жасау жөніндегі мақсатты ақпараттық науқан екенін түсінуге тиіс. Осыған байланысты азаматтардан тек ресми, тексерілген ақпарат көздеріне сенуді сұраймын», - деді Санжар Әділов Орталық коммуникациялар қызметіндегі брифинг барысында.
20:34, 07 Ақпан 2022
Қаңтар оқиғасының бұрмалануы мақсатты ақпараттық науқан екенін түсіну қажет – ІІМ
НҰР-СҰЛТАН. ҚазАқпарат – Ақпараттық кеңістікте қаңтар оқиғалары бұрмаланып жатыр. Бұл туралы ҚР ІІМ Тергеу департаментінің бастығы Санжар Әділов айтты, деп хабарлайды ҚазАқпарат тілшісі.