Әлемдік кәсіпқой бокстың ең беделді әрі тәуелсіз компьютерлік алгоритмге негізделген BoxRec порталының ресми рейтингінде отандасымыз өз салмақ дәрежесі бойынша Қазақстанда және ТМД елдері арасында 9-орынға көтеріліп, үздік ондыққа енді. Бұл – ТМД тарихында кәсіпқой рингте мұндай жоғары сатыға көтерілген тұңғыш қазақстандық курсанттың көрсеткіші.
Әли – ҚР ІІМ Бәрімбек Бейсенов атындағы Қарағанды академиясының 4-курс курсанты. Ол болашақ полиция офицерінің қатаң тәртібі мен казармалық өмірін үлкен спортпен сәтті ұштастырып келеді. Сонымен қатар Жамбыл облысы Полиция департаментінің «Арлан» спорт клубының намысын абыроймен қорғап жүр. Жақында ғана Тараз қаласында өткен халықаралық бокс турнирінде тәжікстандық қарсыласын жекпе-жектің небәрі 57-секундында нокаутқа түсірді.
Жас дарынның халықаралық аренадағы осынау толағай табыстары мен отандық спортты дамытуға қосқан зор үлесі мемлекет тарапынан да жоғары бағаланды. ҚР Туризм және спорт министрінің бұйрығымен Бауыржан Әли «Қазақстан Республикасының спорт саласының құрметті қызметкері» төсбелгісімен және Құрмет грамотасымен марапатталды.
Айта кетелік Абылайхан Жұбаназар дзюдодан әлем чемпионатының қола медалі үшін бақ сынайды.