НҰР-СҰЛТАН. ҚазАқпарат - ҚР Сыбайлас жемқорлыққа қарсы іс-қимыл агенттігі ірі көлемде бюджет қаржысын жымқыру фактісін анықтап, ҚР Білім және ғылым министрінің көмекшісін қамауға алды, деп хабарлайды ҚазАқпарат.
«Оған студенттер үшін жазғы білім беру стартап мектебін ұйымдастыруға бөлінген 11 млн теңгеден астам қарыжыны қызметтік жағдайын пайдаланып алаяқтық жолмен жымқырды деген күдік келтіріліп отыр. Күдікті ұсталып, Нұр-Сұлтан қаласындағы уақытша ұстау изоляторына қамауға алынды», - делінген таратылған мәліметте.
Аталған күдіктіге қатысты соңғы шешімді оның айыптылығының деңгейін анықтай отырып, сот белгілейтін болады.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.