АСТАНА. ҚазАқпарат – Қатарда өтіп жатқан футболдани әлем чемпионатында Хорватияның жартылай қорғаушысы Иван Перишич өз елінің рекордын орнатты, деп хабарлайды ҚазАқпарат тілшісі.
И.Перишич 1/8 финалда Жапониямен ойында мергендік танытып, есепті теңестірді.
Осылайша, ол әлем және Еуропа чемпионаттарындағы 10-ыншы голын соқты. Бұған дейін Хорватия ойыншыларынан ешкім мұндай нәтижеге жеткен емес.
И.Перишичтің өз көрсеткішін одан әрі де жаңартатындай мүмкіндігі бар. Өйткені пенальти сериясында Жапонияны ұтқан Хорватия құрамасы жарысты жалғастырады.
Еске сала кетейік, бұдан бұрын Килиан Мбаппенің әлем чемпионаттарында 9 гол соққан алғашқы жас ойыншы атанғанын жазған болатынбыз.
Сондай-ақ пенальти сериясында Жапонияны жеңген Хорватия ширек финалға шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).