Кездесу барысында Қазақстан мен Әзірбайжанның екіжақты қатынастарын одан әрі нығайту мәселелері бойынша пікір алмасылды.
- «Біз Кавказ аймағындағы негізгі әріптесіміз - бауырлас Әзірбайжанмен екіжақты қатынастарды жоғары бағалаймыз»,- деді Қ.Мәми.
Мемлекетаралық өзара іс-қимылды тереңдетуде парламенттердің рөлін ерекше атап өтіп, Қ.Мәми түркітілдес елдердің Парламенттік Ассамблеясы (ТүркПА) аясындағы ынтымақтастықты одан әрі белсенділендіру жайында айтты.
Биылғы 30-31 мамырда Астанада Әлемдік және дәстүрлі діндер лидерлерінің IV Съезі өтетіні туралы хабарлаған төраға оған Кавказ мұсылмандары Діни басқармасы басшылығының да қатыспақ жоспарын атап өтті.