АСТАНА. ҚазАқпарат – Бүгін футболдан Қазақстан кубогының ширек финалында тағы екі ойынның нәтижесі белгілі болды, деп хабарлайды ҚазАқпарат тілшісі.
Екі ойынның бірінде «Қайрат» Алматыда «Атыраумен» кездесті.
Ойын барысында алаң иелері алғашқы болып есеп ашты. Кездесудің 12-минутында Вячеслав Швырев көздеген нысанадан мүлт кеткен жоқ.
Екінші кезеңде «Қайрат» шабуылшысы Артур Шушеначев өз қақпасына гол соғып алды.
Кездесу 1:1 есебімен тең аяқталды.
Тағы бір ойында қостанайлық «Тобыл» Қарағандының «Шахтерін» жеңіп кетті.
Кездесуде қостанайлық клубтан Игорь Сергеев 48-минутта есеп ашса, Ислам Чесноков 87-минутта қорытынды есепті белгіледі.
Осылайша «Тобыл» қарсыласынан 2:0 есебімен басым түсті.
21:00-де «Ордабасы» (Шымкент) мен «Қызылжар» (Петропавл) ойыны басталды.
Еске салсақ, бұдан бұрын «Астана» елордада «Тұраннан» басым түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.