АСТАНА. ҚазАқпарат - Петропавлдың «Қызылжары» футболдан Қазақстан кубогы ширек финалының екінші жолдамасына ие болды, деп хабарлайды ҚазАқпарат тілшісі.
Жарыстың аталған сатысындағы екінші ойын талдықорғандық «Жетісу» (Талдықорған) мен петропавлдық «Қызылжар» командалары арасында өтті.
Алғашқы кездесуде петропавлдық клуб 3:0 есебімен басым түсті.
Қарымта ойында командалар бір-бірінің қақпасына гол соғуға тырысты. Дегенмен қақпа құлпы ашылған жоқ. Командалар 0:0 есебіне қанағат білдірді.
Екі ойынның нәтижесімен «Қызылжар» ширек финалға жолдама алды.
Еске салсақ, бұдан бұрын «Шахтер» ширек финалға жолдама алды.
Енді 29 сәуірде «Ордабасы» мен «Мақтарал», «Атырау» - «Ақтөбе» шеберлік байқасады.
Ал 30 сәуірде «Ақсу» мен «Тобыл», «Тұран» мен «Каспий», «Ақжайық» пен «Қайрат», «Қайсар» мен «Астана» жасыл алаңға шығады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.