Қазақстан мен Өзбекстан Азаматтық авиацияның Еуразиялық конференциясын ұйымдастырмақ
ТАШКЕНТ. KAZINFORM – «Өзавиация» агенттігі мен «Қазақстанның авиациялық әкімшілігі» АҚ басшыларының кездесуі өтіп, онда ведомстволар арасындағы ынтымақтастықты нығайтудың өзекті мәселелері талқыланды, деп хабарлайды Kazinform агенттігінің Ташкенттегі меншікті тілшісі Әлихан Асқар.
Фото: Өзбекстан Көлік министрлігінің баспасөз қызметі
Кездесуде Армения, Грузия, Қазақстан, Қырғызстан, Моңғолия, Молдова, Тәжікстан және Өзбекстанның қатысуымен «Азаматтық авиацияның Еуразиялық конференциясын» ұйымдастыру мәселесі пысықталды.
Фото: Өзбекстан Көлік министрлігінің баспасөз қызметі
«Азаматтық авиацияның Еуразиялық конференциясы» бұл авиация саласындағы әр ел ведомстволарының өзара іс-қимыл тұжырымдамасын айқындайтын алаң саналады. Оның барасында бірлескен шешім қабылданып, ортақ мәселелерді еңсерудің жоспары түзіледі.
Фото: Өзбекстан Көлік министрлігінің баспасөз қызметі
Қазақстан мен Өзбекстан авиациялық ведомстволарының кездесу қорытындысы бойынша тараптар бірлесіп «Азаматтық авиацияның Еуразиялық конференциясын» ұйымдастыру туралы құжатқа қол қойды.
Фото: Өзбекстан Көлік министрлігінің баспасөз қызметі
Еске салайық, бұған дейін Қазақстан мен Өзбекстан арасында жол қысқартатын жаңа әуе бағыты ашылған еді.
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.