ТАШКЕНТ. KAZINFORM – Түркі мемлекеттері арасындағы тығыз достық қарым-қатынасты нығайту, туристер ағынын ұлғайту мақсатында Өзбекстанның Туризм комитеті мен Қазақстанның Туризм және спорт министрлігі бірлескен «Жол картасына» қол қойды. Бұл туралы Kazinform агенттігінің меншікті тілшісі Әлихан Асқар хабарлайды.
Құжатқа сай, екі мемлекет арасындағы туристер санын арттыруға бағытталған бағдарлама әзірлеу, туристік компаниялар арасында ақпарат алмасуды жолға қою және өзге де жобаларды іске асыру жоспарланған.
Сондай-ақ Өзбекстанның Туризм комитетінен мәлім еткендей, зиярат туризмді дамыту мақсатында келушілер үшін шекарадағы өткізу орындарында қолайлы жағдай жасау көзделген.
Мұнымен қатар Қазақстан мен Өзбекстан арасында автобус рейстерінің саны ұлғайтылады.
Еске салайық, былтыр 1,2 млн қазақстандық Өзбекстанға туысқандарымен көрісу үшін барған.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.