Былтыр 1,2 млн қазақстандық Өзбекстанға туысқандарымен көрісу үшін барған

Өткен жылдың қаңтар-желтоқсан айлары аралығында 5 561,1 мың шетелдік азамат Өзбекстандағы туысқандарына келген, деп хабарлайды Kazinform агенттігінің меншікті тілшісі.

Статистика агенттігінің мәліметіне сай, туыстарымен көрісу мақсатында Өзбекстанға мына елдердің азаматтары келген:

• Тәжікстан - 2 030,5 мың адам;
• Қырғыз Республикасы - 1 702 мың адам;
• Қазақстан - 1 245,8 мың адам;
• Түркия - 49,3 мың адам;
• Түрікменстан - 9,6 мың адам;
• Оңтүстік Корея - 7,4 мың адам;
• Әзербайжан - 6,6 мың адам;
• Беларусь - 6,3 мың адам;
• Басқа да елдер - 503,6 мың адам.

Еске сала кетейік, биыл қаңтар-қараша айларында Өзбекстанға 6 млн 134 мың шетелдік турист келді.