АСТАНА. KAZINFORM - Халықаралық хоккей федерациясы бірінші дивизионның А тобындағы жастар арасында әлем чемпионатының ойын кестесін жариялады.
Турнир 7-13 желтоқсан аралығында Словенияның Блед қаласында өтеді. Элиталық дивизионға берілетін жалғыз жолдама үшін Қазақстан құрамасы Украина, Франция, Норвегия, Австрия және Словения командаларымен тартысқа түседі.
Матч кестесі:
8 желтоқсан. Украина - Қазақстан
9 желтоқсан. Қазақстан - Словения
11 желтоқсан. Қазақстан - Франция
11 желтоқсан. Норвегия - Қазақстан
13 желтоқсан, Қазақстан - Австрия.
Еліміздің жастар құрамасы әлем чемпионатына 1998 жылдан бері қатысып келеді. 1999 жылы алтыншы орынға табан тіреп, әзірге құрама тарихындағы жоғары орынға қол жеткізген еді.
Еске салсақ, елімізде 5-8 қараша аралығында шайбалы хоккейден әйелдер арасындағы Азия чемпионаты өтеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.