Оның айтуынша, қазіргі уақытта елде 34 проблемалық нысан қалған. Олардың басым бөлігіндегі жүйелі мәселелер шешілген, енді құрылысты аяқтау жұмыстары жүргізіліп жатыр.
— Министрлік атынан айтарым, қазіргі уақытта 34 проблемалық нысан қалды. Ондағы жүйелі мәселелердің барлығы дерлік шешілді. Жақын арада құрылысын аяқтаймыз. Бұл тұрғын үй құрылысына қатысты мәселе. Бір жылдың ішінде міндетті түрде аяқтаймыз, — деді Ерсайын Нағаспаев.
Министрдің сөзінше, проблемалық нысандардың құрылысы кезең-кезеңімен аяқталып келеді. Орта есеппен ай сайын кемінде бір нысан пайдалануға беріледі немесе екі-үш ай ішінде аяқталады.
Айта кетейік, Нұрлыбек Нәлібаев қаражаттың қай салаларға бөлінетінін түсіндірген еді.