Атап айтсақ, Ташкенттегі Азия чемпионатында ерлер арасында 96 келіге дейінгі салмақтың үздіктері анықталды. Бұл салмақта отандасымыз Кирилл Староверкин ел намысын қорғады.
Нәтижесінде жұлқа көтеруде 150 келіні бағындырған ол кіші қола медаль иегері атанды. Ал серпе көтеруде 180 келіні бағындырып, қоссайыс қорытындысында 330 келі көрсеткішпен 4-орын иеленді.
Жарыс қорытындысы:
1-орын - Оңтүстік Корея - Вон Йон Бём 367 кг (161 205)
2-орын - Өзбекстан - Суннатилла Усаров 346 кг (161 185)
3-орын - Қырғызстан - Нұрсұлтан Тармалов 333 кг (149 184)
4-орын - Қазақстан - Кирилл Староверкин 330 кг (150 180)
Естеріңізге сала кетейік, Ташкент қаласында өтіп жатқан ауыр атлетикадан Азия чемпионатында екі отандасымыз 2 күміс жүлде жеңіп алған болатын. Оның бірін 67 келіге дейінгі салмақта Сайрамкез Ақмолда жеңіп алса, екіншісін 81 келіге дейінгі салмақта Александр Уваров қанжығасына байлады.
10 ақпанға дейін жалғасатын құрлықтық біріншілікте Париж Олимпиадасына қатысуға мүмкіндік беретін рейтингілік ұпайлар үлестіріледі.