АСТАНА. KAZINFORM — Аичи-Нагоядағы (Жапония) ХХ Азия ойындарында қазіргі бессайыстан сайыстар жалғасып жатыр.
Ерлер арасында өткен А жартылай финалының нәтижесінде екі қазақстандық спортшы ақтық сынға жолдама алды.
Тихон Варехин барлық сайыстың қорытындысы бойынша 1520 ұпай жинап, төртінші орынмен финалға өтті. Ал Темірлан Абдраимов 1507 ұпай еншілеп, алтыншы орынмен ақтық сынға жолдама алды.
Спортшылар семсерлесу, кедергілер жолағы, жүзу және laser run бәсекелерінде сынға түсті.
Айта кетейік, бүгін, 18 қыркүйекте Кирилл Стадник және Лев Чувашов В финалында бақ сынайды.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.