Қазақстандық Григорий Ломакин жұптық сында Шарм-эль-Шейх (Мысыр) ITF турнирінің финалына шықты, деп хабарлайды Kazinform.
Жарыстың 2-ракеткасы болып тіркелген Г.Ломакин ресейлік Евгений Филипповпен бірге жартылай финалда словакиялық Филип Крослак - словениялық Ян Купчичпен шеберлік байқасты.
Қазақстандық-ресейлік жұп 7:6 (7:5), 6:3 есебімен жеңіске жетті.
Григорий Ломакин мен Евгений Филиппов финалда ұлыбританиялықтар Бен Джонс - Давид Стевенсонмен бас жүлдені сарапқа салады.
Еске сала кетейік, бұдан бұрын қазақстандық теннисшінің Мысырдағы жарыстың жартылай финалына шыққанын жазған болатынбыз.
Сондай-ақ қазақстандық қос теннисші жасөспірімдер арасында Аустралия чемпионатында ойнайды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).