АСТАНА. KAZINFORM — Қытайдың Лэшань қаласында каратэден Премьер-лига санатындағы жарыста қазақстандық Олжас Алтынбек жүлдегерлер қатарынан көрінді.
Қазақстан каратэ федерациясынан мәлім еткеніндей, қазақстандық спортшы 67 келіге дейінгі салмақта кіші финалда Бразилия өкілі Винисиус Фигуероны айқын басымдылықпен ұтты — 6:2.
Бұл — Олжас Алтынбектің Премьер-лига санатындағы турнирде қол жеткізген бастапқы медалі.
Жарыс барысында Олжас топтық кезеңде Бельгия, Франция және Грекия өкілін жолдан тайдырды Ширек финалда Росарио Руджьероны (Италия) жеңді. Жартылай финалда Абдул ваххоб Рашидовқа (Өзбекстан) есе жіберді.
Осылайша, Лэшань Премьер-лигасында Қазақстан қоржынына алғашқы жүлде түсті.
Еске сала кетейік, бұдан бұрын қазақстандық каратэшінің Түркиядағы Премьер-лига турнирінде топ жарғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).