АСТАНА. KAZINFORM — Қытайдың Ханчжоу қаласында волейболды отырып ойнаудан әлем чемпионатында Қазақстан құрамасы 1/8 финалдағы матчын жеңіспен түйіндеді.
Бұл жолы Бауыржан Тахауовтың шәкірттері Польша құрамасына қарсы келді. Алғашқы екі сет 25:18 есебімен аяқталды.
Қазақстандық параволейболшылар үшінші партияда да қарқынды бәсеңдеткен жоқ – 25:20.
Қорытынды есеп – 3:0, Қазақстанның пайдасында .
Ойынды Халықаралық Паралимпиада комитетінің президенті Эндрю Парсонс тамашалады.
Осылайша, Қазақстан әлем чемпионатында үздік сегіз команданың қатарына енді.
Еске сала кетейік, бұдан бұрын пара волейболдан әлем чемпионатында Иракты жеңген Қазақстан құрамасының плей-офф кезеңіне шыққанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).