18:33, 18 Ақпан 2024

Қазақстандық сейсмологтар Қытай мен Ауғанстан аумағындағы жер сілкінісін тіркеді

АСТАНА. KAZINFORM - 18 ақпанда Қазақстан Республикасы Төтенше жағдайлар министрлігінің «ННЦСН» және «I» ЖШС сейсмикалық стансалар желісі екі рет – Қытай мен Ауғанстанда жер сілкінісін тіркеді. 

Фото: pexels.com

Сағат 14:59-да тіркелген бірінші жер сілкінісінің ошағы Алматыдан оңтүстік-шығысқа қарай 268 шақырым жерде Қытай аумағында орналасқан.

«Жер сілкінісінің энергетикалық класы – 10,8. Магнитудасы MPV 4.6. Тереңдігі 5 км. Қазақстан аумағында байқалу (MSK-64 шкаласы бойынша) жоқ», - делінген Алматы қаласы ӘҚҰ кезекші операторының хабарламасында.

Сағат 17:20-да тіркелген екінші жер сілкінісінің ошағы Алматыдан оңтүстік-батысқа қарай 1 110 шақырым жерде Ауғанстан аумағында орналасқан.

«Жер сілкінісінің энергетикалық класы – 11,9. Магнитудасы MPV 5.3. Тереңдігі 35 км. Қазақстан аумағында байқалу (MSK-64 шкаласы бойынша) жоқ», - делінген Алматы қаласы ӘҚҰ кезекші операторының хабарламасында.

Ауғанстан Жер сілкінісі Қытай

Абылайхан Жұмашев

1993 жылы 15 қарашада Атырау облысы Индер ауданында дүниеге келген. Фараби атындағы ҚазҰУ түлегі. А. Байтұрсынұлы атындағы Тіл білімі институтының магистрі.