Қазақстандық, әлемнің 226-ракеткасы Денис Евсеев Валенсия (Испания) челленджер турнирінің екінші айналымына шықты, деп хабарлайды Kazinform.
Негізгі жарысқа іріктеу сайыстарынан кейін қосылған қазақстандық теннисші алғашқы айналымда дүниежүзілік рейтингте 363-орында тұрған испаниялық Карлос Табернермен кездесті.
Екі сағат 20 минутқа созылған тартысты матчта Д.Евсеев 7:5, 7:6 (7:2) есебімен жеңіске жетті. Ол бәсеке барысында 2 эйс жасап, 15 брейк-пойнттың алтауын пайдаланды. К.Табернер 10 брейк-пойнттың тең жартысын мүлт жібермеді.
Денис Евсеев ширек финалға шығу үшін әлемнің 114-інші, доданың 7-ракеткасы, тағы бір испаниялық Педро Мартинеспен таласады.
Еске сала кетейік, бұдан бұрын Меруерт Каукееваның теннистен төрешінің күміс белгісіне ие болғанын жазған едік.
Сондай-ақ Жібек Құламбаева Үндістандағы турнирдің ширек финалына шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).