АСТАНА. 9 сәуір. ҚазАқпарат - Қазақстандық ғалымдардың 400-ден астам жобасы 3 млрд. теңге көлеміндегі гранттық қаржыландырумен қамтылады. Бұл туралы бүгін Астанада өткен брифингте ҚР Білім және ғылым министрлігі Ғылым комитетінің төрағасы Нұрлан Ыбырайым айтты.
«Бүгін біз гранттық қаржыландыруға жобалардың соңғы байқауы бойынша қорытындыны жарияладық. 2 744 жобаның ішінен ұлттық ғылыми кеңестер 435-ін, яғни 16 пайызын іріктеп алды. Қаржыландырудың жалпы көлемі 3 млрд. теңге»,-деді комитет басшысы.
Осы жобалардың арасында өмір сапасын, зияткерлік әлеуетті, энергетиканы жақсарту, сондай-ақ шикізат пен өнімді өңдеу, ақпараттық және телекоммуникациялық технологиялар саласындағы ғылыми зерттемелер бар.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.