АСТАНА. ҚазАқпарат – Қазақстандық жартылай қорғаушы Ардақ Сәулет «Ақжайықтан» «Қызылжарға» ауысты, деп хабарлайды ҚазАқпарат тілшісі.
«Қызылжар» футбол клубының баспасөз қызметінен мәлім еткеніндей, жаңа ойыншымен еңбек шартына қол қойылды.
Астана футболының түлегі А.Сәулет соңғы жылдары Оралдың «Ақжайық» клубында ойнап, 31 матчта 2 нәтижелі пас берді.
Қазақстан премьер-лигасында барлығы 67 кездесу өткізіп, 3 гол мен 3 нәтижелі пастың авторы атанды.
Ардақ Сәулет құрамында болған «Ақжайық» өткен жылы Қазақстан чемпионатында соңғы орын алып, бірінші лигаға түсіп қалған еді.
Қазіргі кезде петропавлдық клуб Түркияда оқу-жаттығу жиынын өткізуде.
Еске сала кетейік, бұдан бұрын бизнесменнің Месси мен Роналдудың қатысуымен өтетін матчқа 2,5 млн еуроға билет сатып алғанын жазған едік.
Фото: «Қызылжар» футбол клубы.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).