НҰР-СҰЛТАН. ҚазАқпарат – Қазақстандық теннисші Анна Данилина Прага челленджер турнирін жеңіспен бастады, деп хабарлайды ҚазАқпарат тілшісі.
Рейтингте 277-орында тұрған А.Данилина бастапқы кездесуін әлемнің 168-інші, осы жарыстың 15-ракеткасы, Нидерланды өкілі Лесли Керкховемен өткізді.
Бірінші партияда нидерландылық спортшы тай-брейкте басым түсті – 7:6 (7:5). Дегенмен осыдан кейін қазақстандық теннисші таразы басын өзіне аудара білді – 7:5, 6:1.
Бәсеке 2 сағат 24 минутқа созылды.
А.Данилина екінші айналымда әлемнің 211-ракеткасы, түркиялық Пемра Озгенмен шеберлік байқасады. Ол 3 сағат 25 минутқа созылған аса тартысты матчта әлемнің 195-ракеткасы, сербиялық Наталья Костичтің меселін қайырды – 7:5, 6:7 (7:9), 6:4.
Көптеген теннисшілер бақ сынап жатқан бұл дода 6 қыркүйекте мәреге жетеді.
Еске сала кетейік, бұдан бұрын Андрей Голубевтің Италиядағы жарыстың чемпионы атанғанын, қазақстандық теннисшілердің АҚШ-тың ашық чемпионатындағы қарсыластары белгілі болғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).