АСТАНА. ҚазАқпарат – Қазақстандықтар Жібек Құламбаева мен Гөзал Айнитдинова жұптық сында Үндістанның Пуна қаласында өтіп жатқан ITF W40 турнирінің финалына шықты, деп хабарлайды ҚазАқпарат тілшісі.
Қазақстандық дуэт жартылай финалда жарыстың 2-ракеткалары, үндістандық Рутуя Бхосале – ресейлік Екатерина Яшинамен шеберлік байқасты.
Ж.Құламбаева мен Г.Айнитдинова тартысты матчта 6:4, 2:6, 10:5 есебімен жеңіске жетті.
Сенбі күні қазақстандық жұп соңғы бәсекеде доданың 1-ракеткалары, үндістандықтар Анкита Райна – Прантхана Тхомбаремен бас жүлдені сарапқа салады.
Еске сала кетейік, бұдан бұрын Аустралия чемпионатында Елена Рыбакинаның алғаш рет финалға шыққанын жазған болатынбыз.
Сондай-ақ Елена Рыбакина Аустралия чемпионатында эйс жасаудан үздік атанды.
Қазақстандық теннисші қыздар Үндістандағы жарыстың жартылай финалына өтті.
Қазақстандық жас теннисші Аустралиядағы турнирдің финалисі атанды.
Фото – Қазақстан теннис федерациясы.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).