НҰР-СҰЛТАН. ҚазАқпарат – Қазақстандық Андрей Голубев жұптық сында Мюнхен (Германия) ATP 250 турнирінің финалына шыға алмады, деп хабарлайды ҚазАқпарат тілшісі.
А.Голубев франциялық Фабрис Мартенмен бірге жартылай финалда бразилиялық Рафаэль Матос – испаниялық Давид Вега-Эрнандеспен күш сынасты.
Екі партия да тартысты өрбіп, матч тағдыры тай-брейкте шешілді.
Бразилиялық-испаниялық жұп 7:6 (7:1), 7:6 (7:2) есебімен жеңіске жетті.
Екі сағатқа жуық уақытқа созылған бәсеке барысында қарсыластар бір-бірден брейк жасады.
Тағы бір қазақстандық Александр Недовесов пәкстандық Айсам-уль-Хак Курешимен бірге Португалиядағы Эшторил ATP 250 додасының жартылай финалына өте алмады.
Олар осы жарыстың 1-ракеткалары, ұлыбританиялық Джейми Маррей – жаңазеландиялық Майкл Винуске есе жіберді – 4:6, 4:6.
Еске сала кетейік, бұдан бұрын Қазақстан жасөспірімдер құрамасының ӘЧ іріктеу кезеңінде үшінші орынға таласатынын, Елена Рыбакинаның Мадрид турнирін жеңіспен бастағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).