АСТАНА. ҚазАқпарат - Қазақстандық Андрей Голубев жұптық сында Рим челленджер турнирінің финалына шықты, деп хабарлайды ҚазАқпарат тілшісі.
Қазақстандық теннисші украиналық Денис Молчановпен бірге жартылай финалда осы жарыстың бірінші ракеткалары, франциялықтар Садио Думбия - Фабьен Рубельмен кездесуі керек еді.
Алайда, қарсыластары келмей қалды да, қазақстандық-украиналық жұп ойнамастан финалға жолдама алды.
А. Голубев пен Д. Молчанов соңғы бәсекеде доданың екінші ракеткалары, колумбиялық Николас Баррьентос - португалиялық Франсишку Кабральмен бас жүлдені сарапқа салады.
Финал сенбі күні өтеді.
Еске сала кетейік, бұдан бұрын қазақстандық теннисшінің Рим жарысының жартылай финалына өткенін жазған болатынбыз.
Сондай-ақ, Сергей Квак әлем чемпионатына жолдама алу үшін барын салатынын айтты.
Елена Рыбакина Мадрид мастерс турнирінің үшінші айналымына шыға алмады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).