АСТАНА. ҚазАқпарат - Қазақстандықтар Александр Недовесов пен Андрей Голубев Базель (Швейцария) ATP 500 турнирінің ширек финалына шықты, деп хабарлайды ҚазАқпарат тілшісі.
Негізгі додаға іріктеу сайыстарынан кейін қосылған қазақстандық жұп алғашқы айналымда жарыстың 4-ракеткалары, ұлыбританиялық Ллойд Гласспул - финляндиялық Харри Хелиоварамен кездесті.
А.Недовесов пен А.Голубев 1 сағат 26 минутқа созылған матчта 7:5, 4:6, 10:3 есебімен жеңіске жетті.
Олар 2 эйс жасап, 3 брейк-пойнттың екеуін пайдалана білді.
Қазақстандық жұп жартылай финалға шығу үшін бразилиялық Рафаэль Матос испаниялық Давид Вега Эрнандеспен таласады.
Еске сала кетейік, бұдан бұрын қазақстандық теннисшінің Франциядағы турнирдің екінші айналымына шыққанын , Тимофей Скатовтың Перудегі жарысты сәтті бастағанын жазған болатынбыз .
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).