НҰР-СҰЛТАН. ҚазАқпарат – Қазақстандық теннисшілер US Open турнирінің іріктеу сайысында бақ сынайды, деп хабарлайды ҚазАқпарат тілшісі.
Қазақстан теннис федерациясының баспасөз қызметі мәлім еткеніндей, Михаил Кукушкин мен Дмитрий Попконың қарсыластары анықталды. Әлемнің 129-інші, іріктеу сайыстарының 13-ракеткасы М.Кукушкин дүниежүзілік рейтингіде 193-орындағы франциялық Матиас Буркпен шеберлік байқасады.
Рейтингіде 182-сатыдағы Д.Попко өзінен үш саты жоғары тұрған словениялық Блаж Роламен күш сынасады.
Қазақстандықтар негізгі жарысқа жолдама алуы үшін әрқайсысы үш қарсыласын ұтуы керек.
АҚШ-тағы «Үлкен дулыға» турнирі 30 тамызда басталып, 12 қыркүйекте мәреге жетеді.
Еске сала кетейік, бұдан бұрын Зарина Диястың Чикагода жеңіліп қалғанын, Astana Open турниріне кімдердің қатысатынын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).