НҰР-СҰЛТАН. ҚазАқпарат - Қазақстандық теннисшілер жұптық сында Женева және Лион ATP 250 турнирлерінің жартылай финалына шыға алмады, деп хабарлайды ҚазАқпарат тілшісі.
Андрей Голубев хорватиялық Марин Чиличпен бірге ширек финалда Женева жарысының 3-ракеткалары, оңтүстікафрикалық Равен Класен - жапониялық Бен Маклахланмен кездесті.
Оңтүстікафрикалық-жапониялық жұп 1 сағат 21 минутқа созылған матчта 6:3, 7:6 (7:4) есебімен жеңіске жетті.
Тағы бір қазақстандық Александр Недовесов италиялық Андреа Вавассоримен бірге Лионда бразилиялық Марсело Демолинер - мексикалық Сантьяго Гонсалеспен жартылай финал жолдамасын сарапқа салды. Бұл кездесуде С.Гонсалес пен М.Демолинер 7:6 (7:1), 6:4 есебімен ұтты. Бәсеке 1 сағат 24 минутқа созылды.
Еске сала кетейік, бұдан бұрын Дэвис кубогына Қазақстан құрамасы матчтарының қашан өтетіні белгілі болғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).