Қазақстандық UFC турнирінде үздік айқас көрсеткені үшін қомақты сыйақы алды

НҰР-СҰЛТАН. ҚазАқпарат – Қазақстандық боксшы Сергей Морозов пен Бразилия өкілі Дуглас Сильва UFC 271 турнирінде «Кештің үздік айқасы» үшін 50 мың доллар бонус алды, деп хабарлайды ҚазАқпарат Sports.kz сайтына сілтеме жасап.

«Вестник ММА» ақпаратына сәйкес, Морозов Нұр-Сұлтан уақыты бойынша бүгін таңертең бразилиялықтан жеңіліп қалды. Жекпе-жек екінші раундта қылғындыру тәсілінен кейін тоқтатылды. Атап өту керек, бұл – қазақстандықтың UFC-дегі екінші жеңілісі. Боксшы үш рет айқасқан.

Қоса кетейік, «Кештің үздік қойылымы» үшін Джаред Каннонир мен Таи Туиваса бонус алды.