АСТАНА. KAZINFORM - Қазақстандық «Барыс» командасы бүгін, яғни 13 ақпанда Құрлықтық хоккей лигасындағы кезекті ойынын елордада Ресейдің СКА (Санкт-Петербург) командасына қарсы өткізеді.
Ойын елорда уақытымен 19:30-да басталады.
Екі команда бұған дейін 32 мәрте кездескен. Оның жетеуі елордалық клубтың басымдығымен аяқталса, қалғанында ресейлік команда жеңіске жеткен. Кейінгі алты кездесудің бесеуінде қазақстандық клуб аталған қарсыласына есе жіберді.
Қазір турнир кестесінде «Барыс» 28 ұпаймен 23-орында тұрса, «Адмирал» 67 ұпаймен 11-орында келеді.
Айта кетсек, елордалық клуб бұдан кейінгі төрт ойынын елордада өткізеді. Алдымен 15 ақпанда «Лада» (Тольятти) клубымен ойнаса, 17 ақпанда «Металлург» (Магниогорск), 20 ақпанда «Северсталь» (Череповец), 22 ақпанда «Адмирал» (Владивосток) командасымен кездеседі.
Еске салсақ, бұдан бұрын «Барыс» овертаймда «Адмиралға» есе жіберді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.