АСТАНА. KAZINFORM - Қазақстандық «Барыс» командасы бүгін, яғни 9 қарашада Құрлықтық хоккей лигасындағы кезекті ойынын елордада Ресейдің «Металлург» (Магнитогорск) командасына қарсы өткізді.
Фото: Виктор Федюнин/ Kazinform
Кездесу барысында ресейлік команда жылдам гол соғу мүмкіндігін іздеді. Нәтижесінде олардың қатарынан Даниил Вовченко мергендік танытты.
Фото: Виктор Федюнин/ Kazinform
Ойынның 32-минутында Сергей Толчинский ресейлік клубтың басымдығын арттырса, 34-минутта тағы бір мәрте көздеген нысанадан мүлт кеткен жоқ.
Елордалық клуб сапынан Әлихан Әсетов 41-минутта есеп айырмасын қысқартса, 52-минутта ресейлік клубтан Роман Канцеров гол соқты.
Фото: Виктор Федюнин/ Kazinform
Осылайша елордалық команда қарсыласынан 1:4 есебімен жеңіліп қалды.
Фото: Виктор Федюнин/ Kazinform
Бұл жеңілістен кейін турнир кестесінде «Барыс» 21 ұпаймен 17-орынға жайғасса, «Металлург» 40 ұпаймен көш басындағы орнын сақтап қалды.
Қазақстандық клуб бұдан кейін екі ойынын сырт айдында өткізеді. Алдымен 15 қарашада Ресейдің «Локомотив» (Ярославльк) клубымен шеберлік байқасса, одан кейін 17 қарашада «Сочимен» кездеседі.
Еске салсақ, бұдан бұрын «Барыс» бес ойынға созылған сәтсіздік сериясын тоқтата алды.
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.