АСТАНА. KAZINFORM - Қазақстандық «Барыс» командасы бүгін, яғни 29 қазанда Құрлықтық хоккей лигасындағы кезекті ойынын елордада Ресейде «Авангард» (Омбы) командасына қарсы өткізеді.
Кездесу Қазақстан уақытымен 18:20-да басталып, «Qazsport» телеарнасынан тікелей эфирде көрсетіледі.
Қазірге дейін командалар 76 мәрте шеберлік байқасты. Оның 25-і елордалық команданың басымдығымен аяқталса, қалғанында ресейлік ұжым жеңіске жетті. Кейінгі бес кездесудің біреуінде қазақстандық клуб аталған қарсыласынан басым түсті.
Турнир кестесінде «Барыс» 19 ұпаймен 15-орынға жайғасса, «Авангард» 25 ұпаймен 7-орында келеді.
Елордалық клуб бұдан кейін тағы бір ойынын сырт айдында 31 қазанда Ресейде «Трактор» (Челябі) командасына қарсы өткізеді.
Айта кетсек, бұдан бұрын «Барыс» өз айдынында «Нефтехимик» командасына есе жібергенін жазғанбыз.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.