НҰР-СҰЛТАН. ҚазАқпарат - «Барыс» құрлықтық хоккей лигасында бүгін Ресейде Нижнекамск қаласының «Нефтехимик» командасымен кездесті, деп хабарлайды ҚазАқпарат тілшісі.
Бүгінгі кездесуде елордалық хоккейшілер жинақы ойын көрсетті. Нәтижесінде алғашқы болып есеп ашты. Оны 2-минутта Линус Виддель өзінің еншісіне жазды. Ал 7-минутта таразы басы теңесті. Бұл сәтте ресейлік хоккейші Марат Хайруллин мергендігімен көзге түсті.
Екінші кезеңінің 21-минутында елордалық Якоб Лилья тағы да қазақстандық команданы алға шығарды. Ойын барысында бұдан кейін гол соғылған жоқ. «Барыс» аталған қарсыласынан 2:1 есебімен басым түсті.
«Барыс» енді 15 қарашада елорадада Беларусьтің «Динамо» (Минск) командасын қабылдайды.
Еске салсақ, «Барыс» бұдан бұрын Ресейде «Локомотивтен» жеңілді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.