АСТАНА. KAZINFORM - Еуропалық-жерорта теңізі сейсмикалық орталығы Қырғызстанда жер сілкінісін тіркеді, деп хабарлайды Kazinform.
Жер сілкінісі жексенбі күні жергілікті уақыт бойынша 23:44-те болды. Жер сілкінісінің ошағы Ош қаласынан оңтүстік-шығысқа қарай 137 шақырым және Нооката қаласынан оңтүстік-шығысқа қарай 127 шақырым қашықтықта тіркелді.
Тереңдігі - 10 км. Магнитудасы - 4,6 балл.
Қазіргі сәтке дейін жапа шеккендер туралы мәлімет түспеген. Құтқару қызметі жағдайды бақылауда ұстап отыр.
Бұдан бұрын Каспий теңізінде екі рет жер сілкінгенін жазған едік.
Ербол Жанат
ЕҰУ-да журналистика мамандығы бойынша бакалавриатты және магистратураны тәмамдаған. Стамбул мемлекеттік университетінде ғылыми тағылымдамадан өткен. «Qazaqstan» ұлттық телеарнасында, "Астана ақшамы" газетінде тілші болған. 2014 жылдан бері Kazinform ХАА-да шығарушы редактор қызметін атқарып келеді.