Қысқы универсиада: Анастасия Городко Қазақстан қоржынына екінші алтынды салды
АСТАНА. KAZINFORM - 2025 жылғы Қысқы универсиадада Анастасия Городко ел қоржынына екінші алтынды сыйлады. Бұл жолы ол жұптық фристайл-могулдан жеңіс тұғырына көтерілді.
Фото: Ұлттық ғылыми-практикалық дене тәрбиесі орталығы
Жұптық фристайл-могул сайысында ел намысын Анастасия Городко мен Аяулым Әмренова қорғады. Нәтижесінде Анастасия үздік шығып, чемпиондыққа қол жеткізді. Ал Аяулым Әмренова бұл жарыста екінші орыннан көрінді.
Фото: Ұлттық ғылыми-практикалық дене тәрбиесі орталығы
Айта кетсек, 14 қаңтарда ол ел құрамасы қоржынына Анастасия Городко фристайл-могулдан алғашқы алтын медальді салған еді.
Анастасия Городко 2005 жылы 14 мамырда дүниеге келген. Қазірге дейін 2021 жылы Алматы қаласында өткен әлем чемпионатында параллелді могулда қола жүлде алды.
Бүгінде ол Қазақ спорт және туризм академиясында 3 курс оқиды.
Сондай-ақ фристайлда жұптық-могулдан ерлер арасында Антон Бондарев Универсиада ойындарының күміс жүлдегері болды.
Еске салсақ, бұдан бұрын ел құрамасынан Денис Зинов парашаңғышылар арасында 10 шақырымға еркін жүрістен күміс алса, Роман Құрбанов қола медаль иеленді.
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.