ҚЫЗЫЛОРДА. KAZINFORM - Қызылорда қаласында есірткі жарнамалайтын 50-ден астам граффити-жазулары жойылды.
Биыл 286 есірткі қылмысы тіркелген. Оның ішінде 72 есірткі өсіру, 18 өткізу, 6 аса ірі көлемде сақтау, 18 жарнамалау және 107 теріс қылық жағдайы тіркелген.
«Облыс орталығында есірткі жарнамасы бар граффити жазуларды өшіру бойынша ауқымды акция өтті. Оған полиция қызметкерлері, студенттер мен еріктілер белсене қатысты. Профилактикалық жұмыстарды нығайту үшін қала, аудан жасөспірімдері арасында есірткі заттарының алдын алу үгіт-насихат жұмыстары жүргізілді. Оған кәмелетке толмағандар ісі жөніндегі қызметкерлері, оқушы, ата-аналар мен оқытушылар қауымы қатысты», - деп мәлім етті Қызылорда облыстық полиция департаментінен.
Еске салсақ, бұдан бұрын Қызылорда облысында биылғы жылдың тоғыз айында жол апаты 39,1 пайызға өскен.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.