ҚЫЗЫЛОРДА. KAZINFORM — Қызылорда қаласының тұсында Шымкенттен Ақтөбе қаласына бағыт алып бара жатқан DAF маркалы автокөлігі аударылып қалды.
Бұл жөнінде әлеуметтік желіде бейнежазба жарияланды. Онда жеңіл автокөліктер тиелген жүк көлігінің тайғақ салдарынан аударылып қалғаны көрсетілген.
— Оқиға, 5 желтоқсанда сағат 6:30 шамасында М-32 «Шымкент-Самара» тас жолының 1807 шақырымында тіркелді. Оқиға Қызылорда қаласына қарасты Ж. Маханбетов ауылы тұсында болды. Шымкенттен Ақтөбе қаласына бағыт алып бара жатқан «DAF» маркалы автокөлігінің басқару жүйесіне ие бола алмай аударылған. Автокөлікке материалдық шығын келген. Дене жарақатын алғандар жоқ, — деп мәлім етті Қызылорда облыстық Полиция департаментінен.
Еске салсақ, Қызылордада баспалдақтың темір қоршауына басы қысылып қалған бала құтқарылды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.