Бұл қылмыстық іс Қызылорда облысының кәмелетке толмағандардың істері жөніндегі мамандандырылған ауданаралық сотында қаралды. Оған қатысты кәмелетке толмаған сотталушыға қатысты абайсызда өлімге әкеп соққан денсаулыққа қасақана ауыр зиян келтіру фактісі бойынша қылмыстық іс қозғалған еді.
«Белкөл кенті орта мектебінің оқушылары тұрғын үйлердің бірінің кіреберісіне жиналған. Сол сәтте сотталушы О. кәмелетке толмаған А.-мен жанжалдасып қалған. Оған кеуде аймағына екі соққы жасап, салдарынан жәбірленуші жүректің рефлекторлық тоқтауы салдарынан оқиға орнында қайтыс болған. Ссотталушы кінәсін ішінара мойындады. Сараптама қорытындысына сәйкес, жәбірленушіге соққыдан кеуде қуысының жабық жарақатынан жүректің рефлекторлық тоқтауы, жіті жүрек-қан тамырлары жеткіліксіздігі жарақаты келтірілгені анықталды», - деп мәлім етті Қызылорда облысының кәмелетке толмағандардың істері жөніндегі мамандандырылған ауданаралық сотынан.
Ведомство мәліметінше, сот үкімімен кәмелетке толмаған сотталушы О. ҚР Қылмыстық кодексінің 106-бабының 3-бөлігінде көзделген қылмыстық құқық бұзушылық жасағаны үшін кінәлі деп танылды. Оған 6 жыл 8 ай мерзімге бас бостандығынан айыру түріндегі жаза тағайындалды.
Еске салсақ, бұдан бұрын Қызылорда облысында биыл 1,3 тоннадан астам есірткі тәркіленді.