ҚОНАЕВ. KAZINFORM – Қонаев қалалық санитарлық-эпидемиологиялық басқармасы анафелогенді су қоймаларында безгек масаларына қарсы өңдеудің 1-ші кезеңін бастады.
Басқарманың мәліметінше өңдеу үшін Қазақстанда рұқсат етілген дәрілік заттар қолданылып жатыр. Аталған іс-шара энтомологиялық көрсеткіштер бойынша жүргізіледі. Бұл бағыттағы шаралар алдын ала белгіленген жоспарға сәйкес өтеді.
Еске салсақ, Алматыда 1 сәуірден бастап орманды алқаптар, қала саябақтары мен скверлерде кенеге қарсы дезинсекциялық өңдеу жұмыстарының бірінші кезеңі басталғанын хабарлағанбыз.
Думан Арғынгелді
2008 жылы Әл-Фараби атындағы Қазақ ұлттық университетінің журналистика факультетін тәмамдаған. «Қазақстан» ұлттық арнасының Алматы қалалық филиалында, «Аягөз жаңалықтары», «Алматы ақшамы» газеттерінде қызмет атқарды. Мақалалары республикалық, облыстық, аудандық газет беттерінде жарияланды. 2021 жылдан бері «KAZINFORM» ХАА-де жұмыс істейді.