АСТАНА. ҚазАқпарат - Қазақстандық «Астана» және «Тобыл» футболдан Конференция лигасы плей-офф сатысында алғашқы ойындарын өткізді, деп хабарлайды ҚазАқпарат тілшісі.
Елордалық «Астана» өз алаңында Албанияның «Партизани» командасын қабылдады.
Кездесу барысында қазақстандық команда басым болды. Ойынның 41-минутта елордалық клубтан Степан Лончар қарсылас команда қақапшысын қапы қалдырды.
Екінші кезеңде төреші ойыннан тыс қалды деген себеппен «Астананың» үш голын есепке алған жоқ.
Нәтижесінде «Астана» қарсыласынан 1:0 есебімен басым түсті.
Тағы бір кездесуде Қостанайдың «Тобылы» өз алаңында Чехияның «Виктория Пльзень» командасынан жеңіліп қалды.
Кездесу барысында чехиялық клубтан Саду 73 Лукаш Калвах 90-минутта екі гол соқса, оған 99-минутта «Тобыл» сапынан Серж Дебле пенальтиден есеп айырмасын қысқартты.
Осылайша қостанайлық клуб қарсыласына 1:2 есебімен есе жіберді.
Қарымта кездесу 31 тамызға белгіленген.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.