АСТАНА. KAZINFORM – Бүгін футболдан UEFA Конференция лигасының екінші іріктеу кезеңінде қазақстандық «Астана» алғашқы ойынын Молдованың «Милсами» командасына қарсы өткізді.
Кездесу барысында командалар жылдам гол соғуға тырысты. Соған қарамастан бірінші кезеңде таблодағы есепке өзгеріс енген жоқ.
Екінші кезеңде астаналық команла басымдықты арттырды. Қос қанағаттан жиі шабуылдар ұйымдастырды. Нәтижесінде 57-минутта Назми Грипши «Астананы» алға шығарды.
Өз қақпасына гол жіберіп алған «Милсами» таразы басын теңестіруге ұмтылды. Жылдам шабуылдың нәтижесінде бірнеше қауіпті сәтті ұйымдастырды.
Ойынның 90-минуттында олардың қатарынан Дэнни Лупано көздеген нысанадан мүлт кеткен жоқ. Осылайша командалар 1:1 есебіне қанағат білдірді. Енді қостанайлық «Тобыл» Қазақстан уақытымен 23:00-де сырт алаңда Швейцарияның «Санкт-Галлен» клубымен жасыл алаңға шығады.
Ойын «Sport Plus Qazaqstan» телеарнасынан тікелей эфирде көрсетіледі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.