Копенгагенде көлік бір топ адамды қағып кетті

АСТАНА. KAZINFORM — Копенгаген қаласының орталығында бір топ азаматты көлік басып кетуі салдарынан кем дегенде 11 адам зардап шекті, деп хабарлайды Kazinform тілшісі.

Оқыс оқиға Dronning Louises Bro ауданында болған. Полиция деректеріне сүйенсек, егде жастағы ер адам көлік тізгінін басқара алмай қалған. Бастапқыда жол жөндеп жатқан жерге соқтығысқан көлік, жолшыбай велосипедшіні, кейін бір топ адамды басып өткен.

Қазір жүргізуші соқтығысу салдарынан алған жарақаттарын емдетіп жатыр, бірақ оның жағдайы ауыр емес. Әзірге жергілікті полиция оқиғаның мән-жайын толық анықтамады.

— Біз мұны істегеннен кейін, айып тағу керек пе, соны қарастырамыз, — деді полиция өкілі Йеспер Франдсен жергілікті теледидарға берген сұхбатында.

Бұған дейін Канадада фестиваль кезінде көлік бір топ адамды басып кеткенін жазғанбыз. Оқыс оқиғадан бірнеше адам қаза тауып, тағы бірқатары жараланды.