АСТАНА. KAZINFORM - Футболдан Премьер-лига командалары арасындағы ел біріншілігінің кейінге қалдырылған 18-тур ойыны өткізілді.
Бұл ойында елордалық «Жеңіс» және «Астана» командалары кездесті.
Турнир кестесінде екі команданың жағдайы түрліше болатын. Соңғы орынның бірінде келе жатқан «Жеңіс» үшін әрбір ұпайдың маңызы артып тұр. Бас бәйгеден үмітті «Астанаға» үш ұпай қажет.
Кездесу барысында «Астана» сапынан Джеффри Чинеду 52-минутта есеп ашқан еді. Дегенмен бұл есепті олар көп ұстап тұра алған жоқ. Ойынның 60-минутында «Жеңіс» ойыншысы Адилио таразы басын теңестірді.
Кездесуде командалар 1:1 есебіне қанағат білдіріп тарасты.
Енді 22-турда 4 қазанда «Жеңіс» Қостанайдың «Тобылымен» кездессе, «Астана» Қарағандының «Шахтерімен» шеберлік байқасады.
Еске салсақ, бұдан бұрын «Ақтөбе» 16 жылдан кейін Қазақстан кубогының иегері атанды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.