12:12, 27 Желтоқсан 2022

Криштиану Роналду футбол тарихындағы ең үздік сұрмерген атанды

АСТАНА. ҚазАқпарат – Португалия құрамасының шабуылшысы Криштиану Роналду футбол тарихындағы ең үздік сүрмерген атанды, деп хабарлайды ҚазАқпарат тілшісі.

Сhampionat.com сайтынан алынған дерекке қарағанда, Халықаралық футбол тарихы және статистикасы федерациясы (IFFHS) үздік сұрмергендер тізімін жариялады.

Есепке ресми халықаралық клубтық жарыстарда (құрлықтық және әлемдік), сондай-ақ ұлттық құрама сапында соғылған голдар ілікті.

Криштиану Роналду 270 голмен көш бастаса, Лионель Месси (235) – екінші, Роберт Левандовски (178) үшінші орында.

Тізімге барлығы мына ойыншылар енді:

1. Криштиану Роналду (Португалия) – 270 гол;

2. Лионель Месси (Аргентина) – 235;

3. Роберт Левандовски (Польша) – 178;

4. Герд Мюллер (Германия) – 137;

5. Неймар (Бразилия) – 136;

6. Карим Бензема (Франция) – 128;

7. Рауль (Испания) – 123;

8. Али Даеи (Иран) – 122;

9. Ференц Пушкаш (Мажарстан) – 122;

10. Луис Суарес (Уругвай) – 121;

11. Златан Ибрагимович (Швеция) – 119;

12. Эдин Джеко (Босния және Герцеговина) – 117;

13. Дидье Дрогба (Кот-д′Ивуар) – 115;

14. Андрей Шевченко (Украина) – 115;

15. Эдинсон Кавани (Уругвай) – 113;

16. Роналдо (Бразилия) – 112;

17. Тьерри Анри (Франция) – 110;

18. Ромарио (Бразилия) – 109;

19. Ромелу Лукаку (Бельгия) – 108;

20. Самуэль Это′О (Камерун) – 105.

Еске сала кетейік, бұдан бұрын Мбаппенің әлем чемпионатынан кейін ең қымбат ойыншы атанғанын жазған болатынбыз.

Фото – Сhampionat.com/Дмитрий Голубович

Спорт Футбол

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).