АСТАНА. ҚазАқпарат – Сауд Арабиясының «Аль-Наср» клубына ауысқан португалиялық шабуылшы Криштиану Роналдудың жалақысы қайдан төленетіні белгілі болды, деп хабарлайды ҚазАқпарат тілшісі.
The Athletic басылымы мәлім еткеніндей, 37 жастағы ойыншы жалақысының басым бөлігі ел бюджетінен төленеді.
«Аль-Наср» клубы футболшының жалақысына кететін шығынның 10 пайызын ғана жабады.
«Криштиану Роналдудың «Аль-Наср» клубындағы кепілдік берілген жылдық жалақысы 90 млн-дай долларды құрайды. Криштианудың өкілдерімен мақұлданған коммерциялық және демеушілік мәмілелер келісімшартқа кіреді және жалпы табысты 200 млн долларға жуықтатады», деп жазды Фабрицио Романо Twitter-де.
Португалиялық футболшымен келісімшарттың 2,5 жылға жасалғаны белгілі. «Аль-Наср» клубы құрамындағы алғашқы ресми матчтарында Роналду нәтижелі ойынымен көзге түсе қойған жоқ.
Еске сала кетейік, бұдан бұрын «Ақжайық» футбол клубына жаңа бас бапкер тағайындалғанын жазған болатынбыз.
Фото: Getty Images
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).